काठमाडौँ। श्रम संस्कृति पाटीका अध्यक्ष हर्क साम्पाङले आफूले शिव आराधना गरेपछि ‘पास्टर’ भन्ने शब्द हटाएको स्पष्ट पारेका छन्। पछिल्लो समय सामाजिक सञ्जाल तथा सार्वजनिक बहसमा आफ्नो धार्मिक आस्थाबारे उठेका प्रश्नप्रति प्रतिक्रिया दिँदै उनले उक्त निर्णय व्यक्तिगत आस्था र आत्मबोधसँग सम्बन्धित रहेको बताएका हुन्। सम्पाङका अनुसार शिव आराधनाले आफूलाई आत्मिक रूपमा नजिक ल्याएको र त्यसपछि आफ्नो पहिचानसँग नमिल्ने देखिएको ‘पास्टर’ शब्द हटाउने निर्णय लिएको बताए। “मैले शिव आराधना गरेपछि ‘पास्टर’ भन्ने शब्द डिलिट गरेको हुँ,” उनले भने। उनले धर्म वा आस्थाका विषयमा कसैमाथि आरोप–प्रत्यारोप गर्नु उपयुक्त नहुने उल्लेख गर्दै श्रम, संस्कृति र सामाजिक रूपान्तरण नै आफ्नो मूल उद्देश्य रहेको स्पष्ट पारे। साथै, व्यक्तिगत विश्वासलाई राजनीतिक वा सामाजिक द्वन्द्वको विषय नबनाउनसमेत उनले आग्रह गरेका छन्। सम्पाङको उक्त अभिव्यक्तिपछि सामाजिक सञ्जालमा विभिन्न प्रतिक्रिया आइरहेका छन्। समर्थकहरूले व्यक्तिगत आस्थाको सम्मान गर्नुपर्ने बताएका छन् भने केहीले सार्वजनिक व्यक्तित्वले यस्ता विषयमा अझ स्पष्टता दिनुपर्ने धारणा राखेका छन्।
यो पनि पढनुस !!