काठमाडौं। आगामी प्रतिनिधिसभा निर्वाचनलाई केन्द्रमा राखेर राष्ट्रिय सुरक्षा परिषद्को बैठक जारी रहेको छ। सिंहदरबारस्थित परिषद्को कार्यालयमा सोमबार बिहान सुरु भएको बैठकमा फागुन २१ गते हुने प्रतिनिधिसभा निर्वाचनलाई शान्तिपूर्ण, निष्पक्ष र सुरक्षित रूपमा सम्पन्न गर्न आवश्यक सुरक्षा तयारी र रणनीतिबारे छलफल भइरहेको स्रोतले जनाएको छ। बैठकमा सम्भावित सुरक्षा चुनौती, जोखिम मूल्यांकन, सुरक्षाकर्मी परिचालन, संवेदनशील मतदान केन्द्रको पहिचान तथा सुरक्षा निकायहरूबीचको समन्वयका विषयमा विस्तृत रूपमा छलफल भइरहेको बताइएको छ। निर्वाचनका क्रममा हुन सक्ने अवाञ्छित गतिविधि रोक्न तथा मतदातालाई निर्भीक वातावरणमा मतदान गर्ने सुनिश्चितताका लागि अपनाइने उपायहरूबारे पनि परिषद्ले ध्यान केन्द्रित गरेको जनाइएको छ।
यो पनि पढनुस !!