काठमाडौं — प्रगतिशील पत्रकार संघ नेपालको १९ औँ स्थापना दिवस विभिन्न कार्यक्रमका साथ मनाइएको छ। स्थापना दिवसको अवसरमा संघले सत्य, निष्पक्ष र जनमुखी पत्रकारिताको अभ्यासलाई अझ सुदृढ बनाउने प्रतिबद्धता व्यक्त गरेको छ। यस अवसरमा शुभकामना व्यक्त गर्दै शोभा अर्यालले प्रगतिशील पत्रकार संघले लोकतन्त्र, सामाजिक न्याय र प्रेस स्वतन्त्रताको संरक्षणमा खेलेको भूमिकाको प्रशंसा गर्नुभयो। उहाँले आगामी दिनमा संघले जिम्मेवार र सशक्त पत्रकारिता विकासमा अझ प्रभावकारी योगदान पुर्याओस् भन्ने कामना समेत गर्नुभयो। संघले स्थापना दिवसका अवसरमा पत्रकारिताको मूल्य–मान्यता, पेशागत मर्यादा र समाजप्रति उत्तरदायित्वलाई केन्द्रमा राखेर अघि बढ्ने जनाएको छ।