काठमाडौँ, १४ माघ।राष्ट्रिय मुक्ति पार्टी नेपालले देशमा अग्रगामी परिवर्तनको लागि सङ्घर्षरत शक्तिहरू तथा राजनीतिक मुद्दा र सिद्धान्त मिल्नेहरू बिच एक वृहत् संयुक्त मोर्चा निर्माण गर्ने भन्दै कार्यदल गठन गरेको छ । पार्टीले राम नरेश रायको संयोजकत्वमा ७ सदस्यीय कार्यदल गठन गरेको हो । आदिवासी जनजाति समेतको पहिचानको लागि संघर्षरत शक्ति, मधेस केन्द्रित राजनीतिक शक्तिहरु, सभ्यता संस्कृति पुनस्स्थापन एवं सुशासन समृद्धि लगायत देशमा अग्रगामी परिवर्तनको लागि संघर्षरत शक्तिहरु तथा राजनीतिक मुद्दा र सिद्धान्त मिल्नेहरु बीच एक वृहत संयुक्त मोर्चा निर्माणका खातिर वार्ता एवं संवाद गर्नको लागि पार्टीको तर्फबाट यो कार्यदल गठन गरिएको राष्ट्रिय मुक्ति पार्टीको अध्यक्ष राजेन्द्र महतोले बताए ।अब हिमाल, पहाड, तराई(मधेसका सम्पूर्ण उत्पीडित समुदायहरू एकताबद्ध भई वहुल राष्ट्रिय राज्य नेपाल निर्माणकालागि, स्वदेशीय सभ्यता र संस्कृति पुनस्स्थापनकालागी तथा आर्थिक क्रान्तिकालागी राष्ट्रिय मुक्ति क्रान्ति अपरिहार्य भएको उनले जानकारी दिए। नरेश रायको संयोजकत्वमा ७ सदस्यीय कार्यदलका सदस्यहरूमा सुमन सायमी, केशव झा, सन्तोष कुमार मेहता, अनिल कुमार महासेठ, सिएन थारु र जुनतारा पुन मगर रहेका छन् ।
यो पनि पढनुस !!